ප්‍රහාරයේ වගකීම අයි.එස්.අයි.එස් සංවිධානය භාරගෙන තිබේ

සීක් ජාතිකයෙකු ඇතුළු දෙදෙනෙකුට මරු කැඳවමින් ඇෆ්ගනිස්ථානයේ කාබුල් නුවර ගුරුද්වාරා නුවරට එල්ල වූ ත්‍රස්ත ප්‍රහාරය සම්බන්ධයෙන් ඉන්දියාව සිය කනස්සල්ල පළ කළේය.

ඉන්දීය විදේශ කටයුතු අමාත්‍යාංශයේ ප්‍රකාශක අරින්දම් බග්චි මාධ්‍ය අංශ වලට ප්‍රතිචාර දක්වමින් පැවසූයේ කාබුල් නගරයේ පූජනීය ගුරුද්වාරාවට එල්ල වූ ප්‍රහාරයක් පිළිබඳව ඉන්දියාව දැඩි කනස්සල්ලට පත්ව සිටින බවයි

ඇෆ්ගනිස්තානයේ ඒ මතුව තිබෙන තත්වය ඉන්දියාව සමීපව නිරීක්ෂණය කරන බවත් නව වර්ධනයන් කෙරෙහි අවධානයෙන් සිටින බවත් ඉන්දීය විදේශ කටයුතු අමාත්‍යාංශයේ ප්‍රකාශකවරයා පැවසීය.

අන්තර්ජාතික මාධ්‍ය ඉදිරිපත් කරන අන්දමට මෙම ත්‍රස්ත ප්‍රහාරයේ වගකීම ඉරාකයේ සහ සිරියාවේ ඉස්ලාමීය රාජ්‍යය(අයි.එස්.අයි.එස්) ත්‍රස්තවාදී සංවිධානය සංවිධානය විසින් භාර ගෙන ඇත. එය මුහම්මද් නබිතුමාට කළ අපහාසවලට පළිගැනීමක් බව පවසති.

කාබුල්හි බග්-ඊ බාලා අසල්වැසි ප්‍රදේශයේ ගුරුද්වාරා කර්තේ පර්වාන් හි ප්‍රහාරය පැය කිහිපයක් පැවති අතර ප්‍රහාරකයින් තිදෙනෙකු තලේබාන් හමුදා විසින් මරා දැමූ බව වාර්තා වේ.

කාබුල්හි කාර්තේ පර්වාන් ගුරුද්වාරා වෙත එල්ල වූ බියගුලු ත්‍රස්ත ප්‍රහාරයෙන් කම්පනයට පත් විය. මම මෙම ම්ලේච්ඡ ප්‍රහාරය හෙළා දකින අතර, බැතිමතුන්ගේ ආරක්ෂාව සහ යහපැවැත්ම සඳහා යාච්ඤා කරමි, ”අගමැති මෝදි ට්විටර් පණිවුඩයක් නිකුත් කළේය.

බීබීසී වාර්තාව පවසන්නේ ගුරුද්වාරා වෙත ප්‍රහාරය එල්ල වූයේ අලුයම 30 දෙනෙකු පමණ එහි සිටි අවස්ථාවේදීය.

මෙම මේලේච්ඡ ත්‍රස්ත ප්‍රහාරය ඉන්දීය විදේශ කටයුතු අමාත්‍ය එස් ජයශංකර් ද මෙම ප්‍රහාරය දැඩි ලෙස හෙළා දකින අතර සිද්ධියෙන් පසු තත්ත්වය රජය සමීපව නිරීක්ෂණය කරමින් සිටින බව ද පැවසීය.

මීට පෙර 2020 මාර්තු මාසයේදී, රටේ සුළුතර සීක් ප්‍රජාව ඉලක්ක කරගෙන කාබුල්හි හර් රායි සාහිබ් වෙත ද මරාගෙන මැරෙන බෝම්බකරුවෙකුගේ ප්‍රහාරයක් එල්ල විය. එහිදී ද අවම වශයෙන් බැතිමතුන් 25 දෙනෙකු මිය ගොස් තවත් පිරිසක් තුවාල ලැබීය.