14 වැනි බ්‍රික්ස් සමුළුවේදී විවිධ අංශවල අන්තර්-බ්‍රික්ස් සහයෝගීතාව සාකච්ඡා කිරීමට අපේක්ෂා කෙරේ.

චීනය විසින් සත්කාරකත්වය දරන 14 වැනි බ්‍රික්ස් සමුළුව මාර්ගගත අථත්‍ය ක්‍රමයට ජුනි 23 සහ 24 යන දිනවල පැවැත්වේ. ඉන්දීය අග්‍රාමාත්‍ය නරේන්ද්‍ර මෝදි ද මේ සඳහා මාර්ගගත ක්‍රමයට සම්බන්ධ වනු ඇත.

චීන ජනාධිපති ෂී ජින්පින්ග්ගේ ආරාධනයකට අනුව අගමැති මෝදි සමුළුවට සහභාගී වේ.

ජුනි 24 වන දින ආරම්භ වන බ්‍රික්ස් සමුළුවේදී ගෝලීය සංවර්ධනය පිළිබඳ ආගන්තුක රටවල් සමග ඉහළ මට්ටමේ සංවාදයක් පැවැත්වෙන බව ඉන්දීය විදේශ කටයුතු අමාත්‍යාංශය පවසයි.

බ්‍රික්ස් යනු බ්‍රසීලය, රුසියාව, ඉන්දියාව, චීනය සහ දකුණු අප්‍රිකාව යන ප්‍රධාන නැගී එන ආර්ථිකයන් පහක් සම්බන්ධ කිරීම සඳහා නිර්මාණය කරන ලද කෙටි යෙදුමයි. බ්‍රික්ස් රටවල් විසින් බහුපාර්ශ්වික ප්‍රතිසංස්කරණ වඩාත් ඇතුළත් කර ප්‍රවේශ විය හැකි බවට පත් කිරීම සඳහා නිරන්තරයෙන් ඉල්ලා ඇත.එය සියලු නැගී එන රටවලට බලපාන ගැටළු සාකච්ඡා කිරීම සහ විවාද කිරීම සඳහා සංසදයක් බවට පරිණාමය වී ඇත.

සියළු ආකාරයේ ත්‍රස්තවාදයට එරෙහි වීම, වාණිජ්‍යය, සෞඛ්‍ය, සාම්ප්‍රදායික වෛද්‍ය විද්‍යාව, පරිසරය, විද්‍යා හා තාක්ෂණ සහ නවෝත්පාදන, කෘෂිකර්මය, තාක්‍ෂණික සහ වෘත්තීය අධ්‍යාපනය හා පුහුණුව සහ සුළු හා මධ්‍ය පරිමාන ව්‍යාවසාය ඇතුළු අංශවල අන්තර්-බ්‍රික්ස් සහයෝගීතාව 14 වැනි බ්‍රික්ස් සමුළුවේදී සාකච්ඡා කිරීමට අපේක්ෂා කෙරේ.

ඉන්දීය විදේශ කටයුතු අමාත්‍යාංශයට අනුව කොවිඩ්-19 වසංගතයට එරෙහිව සටන් කිරීම,බහුපාර්ශ්වික පද්ධතියේ ප්‍රතිසංස්කරණ සහ ගෝලීය ආර්ථික ප්‍රකෘතිය වැනි දේ ද සාකච්ඡාවට ගනු ඇත.

බ්‍රික්ස් ව්‍යාපාරික සංසදයේ සමාරම්භක උත්සවය අතරතුර ජුනි 22 වන දින ඉන්දීය අග්‍රාමාත්‍යවරයා විසින් පටිගත කරන ලද ප්‍රධාන දේශනයක් පවත්වනු ඇත.