ඔවුන්ගේ විශේෂ උපායමාර්ගික හවුල්කාරිත්වය තීව්‍ර කිරීමට ද දෙරට එකඟ වී ඇත.

ඉන්දියාව සහ දකුණු කොරියාව වෙළෙඳ හා ආයෝජන මෙන්ම ආරක්‍ෂාව ඇතුළු ක්ෂේත්‍ර කිහිපයක සහයෝගීතාව පුළුල් කිරීමට එකඟ වී ඇත.

ඉන්දියාව සහ දකුණු කොරියාව අතර 5 වන විදේශ ප්‍රතිපත්ති සහ ආරක්ෂක සංවාදය සඳුදා දකුණු කොරියාවේ සෝල් හි පැවැත්විණ. එහිදී දෙපාර්ශවය නිත්‍ය ඉහළ මට්ටමේ ක්‍රියාකාරකම් හරහා උපායමාර්ගික සන්නිවේදනය ශක්තිමත් කරමින් ඉන්දියානු සහ කොරියා ජනරජයේ විශේෂ උපායමාර්ගික හවුල්කාරිත්වය වැඩි දියුණු කිරීමට ද එකඟ විය.

සාකච්ඡා පිළිබඳ තොරතුරු ලබා දෙමින්, ඉන්දියාවේ විදේශ කටයුතු අමාත්‍යාංශය අඟහරුවාදා ප්‍රකාශ කළේ, වෙළඳාම සහ ආයෝජන සහ ආරක්ෂක, විද්‍යාව සහ තාක්‍ෂණය, මෙන්ම සංස්කෘතික සහ ජනතාවගෙන් ජනතාව අතර සහයෝගීතාව පුළුල් කිරීමට දෙපාර්ශවය එකඟ වූ බවයි.

නිෂ්පාදන, යටිතල පහසුකම් සහ අනෙකුත් ක්ෂේත්‍රවල ආයෝජන සඳහා කොරියානු සමාගම්වලට ඉන්දියාව ලබා දෙන අවස්ථා පිළිබඳව ද සාකච්ඡාවේ දී ඉන්දීය නියෝජිත පිරිස කොරියානු පාර්ශ්වය දැනුවත් කළහ.

ගෝලීය සැපයුම් දාමයන් වඩාත් ඔරොත්තු දෙන සහ ශක්තිමත් කිරීමට කටයුතු කිරීමට දෙපාර්ශවය එකඟ වූ බව ඉන්දීය විදේශ කටයුතු අමාත්‍යාංශය වැඩිදුරටත් පැවසීය.

දෙරට අතර ද්විපාර්ශ්වික වෙළඳාම ඩොලර් බිලියන 28 ක පමණ ඉහළ මට්ටමක පවතින බව ඔවුන් සඳහන් කළේය. එය 2030 වන විට ඩොලර් බිලියන 50 දක්වා ගෙන යාමේ දැක්ම සාක්ෂාත් කර ගැනීම සඳහා ස්ථිර පියවර ගැනීමට ඔවුන් එකඟ විය. නව සහ නැගී එන තාක්‍ෂණයන්හි සහයෝගීතාවයේ අවස්ථා පිළිබඳව ද දෙපාර්ශවය සාකච්ඡා කළහ.

සංවාදයේදී සාකච්ඡා කරන ලද ඉහළ මට්ටමේ කටයුතුවලට ඉන්දීය විදේශ අමාත්‍ය මට්ටමේ ඒකාබද්ධ කොමිෂන් සභා රැස්වීම, විදේශ අමාත්‍යාංශය සහ ආරක්ෂක අමාත්‍යාංශය සම්බන්ධ ‘2+2’ සංවාදය උප අමාත්‍ය/ලේකම් මට්ටමින්, අනෙකුත් අමාත්‍යවරුන් සහ ජ්‍යෙෂ්ඨ නිල සංවාද ඇතුළත් බව ඉන්දීය විදේශ කටයුතු අමාත්‍යාංශය පවසයි.

දෙරට අතර රාජ්‍ය තාන්ත්‍රික සබඳතා ආරම්භ කර වසර 50ක් සපිරෙන්නේ මේ වසරේදීය.

ඉන්දියාවේ විදේශ කටයුතු අමාත්‍යාංශයේ ලේකම් (නැගෙනහිර) සෞරබ් කුමාර්, සහ කොරියානු ජනරජයේ, පළමු උප විදේශ අමාත්‍ය, චෝ හ්යුන්ඩොං සමඟ සංවාදයේ සම මුලසුන දැරීය.

ඉන්දීය විදේශ කටයුතු අමාත්‍යාංශය ට අනුව, විදේශ ප්‍රතිපත්ති සහ ආරක්ෂක සංවාදය "කොරියානු අර්ධද්වීපයේ සහ ඉන්දු-පැසිෆික් කලාපයේ තත්ත්වය ඇතුළුව කලාපීය සහ ගෝලීය ගැටළු පිළිබඳ ඉදිරිදර්ශනය බෙදා ගැනීමට අවස්ථාවක් ලබා දුන්නේය.

දකුණු කොරියාව විසින් මෑතකදී ප්‍රකාශයට පත් කරන ලද ඉන්දු-පැසිෆික් උපායමාර්ගය නව ක්ෂේත්‍ර වෙත ව්‍යාප්ත කිරීම ඇතුළු ද්විපාර්ශ්වික සහයෝගීතාව පුළුල් කිරීමට අවස්ථාවක් සපයන බව දෙපාර්ශ්වය සඳහන් කළේය.

ඉන්දීය විදේශ කටයුතු අමාත්‍යාංශය හි ලේකම්(නැගෙනහිර) විසින් කොරියා ජනරජයේ ජාතික සභාවේ විදේශ කටයුතු සහ ඒකාබද්ධ කමිටුවේ සභාපති නියෝජිත කිම් ටේ හෝ , ආරක්ෂක උප ඇමති ෂින් බීම්චුල්; සහ සාමකාමී එක්සත් කිරීමේ උපදේශක මණ්ඩලයේ විධායක උප සභාපති කිම් ක්වාන් යොන්ග්, සමඟ ද වෙනම රැස්වීම් පැවැත්වීය.