प्रधानमन्त्री मोदीद्वारा पश्चिम एशियामा फैलिंदो द्वन्द्वप्रति गहिरो चिन्ता व्यक्त, भारतको शान्ति स्थापनाको आह्वान दोहोर्‍याए
प्रधानमन्त्री नरेन्द्र मोदीले मंगलबार (अक्टोबर २२, २०२४) मा रूसको कजानमा इरानी राष्ट्रपति मासूद पेझेश्कियानसँग भेटवार्ता गरे। यो भेटपश्चात पश्चिम एशियामा जारी तनाव, विशेष गरी इजरायल र इरानबीचको बढ्दो द्वन्द्वको बीचमा भएको हो। १६औं ब्रिक्स सम्मेलनको क्रममा भएको यस भेटमा प्रधानमन्त्री मोदीले क्षेत्रको परिस्थितिप्रति गहिरो चिन्ता व्यक्त गर्दै द्वन्द्व निवारणका लागि तनाव घटाउने र कूटनीतिक उपायहरू अपनाउन जोड दिए।

यस भेटमा दुई नेताहरूले द्विपक्षीय सम्बन्धहरूको समीक्षा गर्दै छाबहार बन्दरगाह र क्षेत्रीय व्यापारिक सम्बन्धहरूको विषयमा पनि छलफल गरे। 

"इरानी राष्ट्रपति श्री मासूद पेझेश्कियानसँग निकै राम्रो भेटघाट भयो। हामीले दुई देशबीचका सम्बन्धहरूको सम्पूर्ण दायरा समीक्षा गर्यौंू र भविष्यका क्षेत्रहरूमा सम्बन्ध कसरी थप बलियो बनाउन सकिन्छ भन्नेबारे पनि छलफल गर्यौंस," प्रधानमन्त्री मोदीले सामाजिक सञ्जाल एक्समा लेखेका छन्।

भारतीय विदेश मन्त्रालयद्वारा जारी गरिएको जानकारी अनुसार, नेताहरूले पश्चिम एशियाको स्थितिलगायत क्षेत्रीय घटनाक्रमबारे विचारविमर्श गरे। "प्रधानमन्त्रीले द्वन्द्वको विस्तारप्रति गहिरो चिन्ता व्यक्त गर्दै स्थिति सुधारका लागि तनाव घटाउन र नागरिकहरूको सुरक्षा सुनिश्चित गर्न जोड दिए," विदेश मन्त्रालयले जनाएको छ।

राष्ट्रपति पेझेश्कियानले पनि क्षेत्रीय शान्ति र सद्भावको आवश्यकता जोड दिंदै, यस तनावलाई कम गर्न भारतको महत्त्वपूर्ण भूमिका रहने विश्वास व्यक्त गरे। 

भेटमा दुवै नेताले छाबहार बन्दरगाहको दीर्घकालीन सम्झौतामा हस्ताक्षरलाई दुई देशबीचको सम्बन्धमा एक महत्वपूर्ण उपलब्धि माने। छाबहार बन्दरगाहले अफगानिस्तानको पुनर्निर्माण र विकास, साथै मध्य एशियासँग व्यापारिक र आर्थिक सम्बन्ध विस्तारमा महत्त्वपूर्ण योगदान पुर्यासउनेमा दुवै नेताले सहमति जनाए।

प्रधानमन्त्री मोदीले राष्ट्रपति पेझेश्कियानलाई इरानको नवौं राष्ट्रपति पदमा निर्वाचित भएकोमा बधाई दिँदै इरानलाई ब्रिक्स परिवारमा स्वागत गरे। दुवै नेताले ब्रिक्स र एससीओजस्ता बहुपक्षीय मञ्चहरूमा सहकार्यलाई निरन्तरता दिने सहमति गरे। प्रधानमन्त्री मोदीले राष्ट्रपति पेझेश्कियानलाई निकट भविष्यमा भारत भ्रमणको निम्तो दिए, जुन निम्तो राष्ट्रपति पेझेश्कियानले स्वीकार गरे। 

यसअघि, प्रधानमन्त्री मोदीले रूसी राष्ट्रपति भ्लादिमिर पुटिनसँग पनि भेट गरी युक्रेन द्वन्द्वदेखि द्विपक्षीय सहयोग सुदृढ गर्नका लागि कदमबारे छलफल गरेका थिए।