අවශ්‍ය වූ විට අමතර සැතපුමක් යාමට සූදානම්ව සිටින ඉන්දියාව විශ්වාසදායක හවුල්කරුවෙකු බව ඉන්දීය විදේශ කටයුතු අමාත්‍ය එස් ජයිශංකර් පැවසීය.

විශේෂයෙන්ම බලශක්ති, සංචාරක සහ යටිතල පහසුකම් වැනි මූලික ක්ෂේත්‍රවල ශ්‍රී ලංකා ආර්ථිකයේ වැඩි ආයෝජන සඳහා ඉන්දියාව දිරිමත් කරන බව ඉන්දීය විදේශ කටයුතු අමාත්‍ය එස් ජයශංකර් පැවසීය.

සිය සංචාරයේ දෙවන දිනයේදී කොළඹදී මාධ්‍ය ප්‍රකාශයක් කරමින් ඔහු කියා සිටියේ ශ්‍රී ලංකාවේ ගමන්මග වැඩි ආයෝජන මගින් ශක්තිමත් ආර්ථික ප්‍රකෘතිමත් වීමක් බවයි.

ශ්‍රී ලංකාවට ආර්ථික අර්බුදයෙන් මිදීමට උපකාර කිරීම සඳහා ඉන්දියාව පසුගිය වසරේ ණය සහ ප්‍රධාන වශයෙන් ඇමෙරිකානු ඩොලර් බිලියන 4ක් පමණ දීර්ඝ කළේය. "ඉන්දියාවට එය 'අසල්වැසි ප්‍රථම' ප්‍රථිපත්තිය යටතේ සිය සමීප අසල්වැසියාට සහය වීමක් බව ඉන්දීය විදේශ කටයුතු අමාත්‍ය ජයශංකර් සඳහන් කළේය.

ශ්‍රී ලංකාවේ ණයහිමියන් දැන් එය යථා තත්ත්වයට පත් කිරීම සඳහා ක්‍රියාශීලී පියවර ගත යුතු බව ඔහු වැඩි දුරටත් පැවසීය.

ශ්‍රී ලංකාවට ඉදිරියට යාමට මාර්ගය පැහැදිලි කිරීම සඳහා ඉන්දියාව දැනටමත් ජාත්‍යන්තර මුල්‍ය අරමුදල වෙත මූල්‍ය සහතික වී ඇත. ඉන්දියාවේ අපේක්ෂාව වන්නේ මෙය ශ්‍රී ලංකාවේ තත්ත්වය ශක්තිමත් කිරීම පමණක් නොව සියලුම ද්විපාර්ශ්වික ණය හිමියන් සමඟ සමානව කටයුතු කිරීම සහතික කිරීමක් යනුවෙන් ඔහු පැහැදිලි කළේය.

ඉන්දියාව සහ ශ්‍රී ලංකාව සිය වෙළෙඳාම ස්ථාවරව පවත්වාගෙන යාම අත්‍යවශ්‍ය බව පෙන්වා දුන් ඔහු රුපියල් පියවීම වෙළෙඳ කටයුතු සඳහා යොදා ගැනීම දෙරටේ අන්‍යෝන්‍ය අවශ්‍යතාවක් බව පැහැදිලි කළේය.

සම්බන්ධතාවය ශක්තිමත් කිරීම සහ සංචාර ප්‍රවර්ධනය කිරීම "ඉතා ඉහළ ප්‍රමුඛතාවයක්" ලෙස ඔහු විස්තර කළේය. ඉන්දියානු සංචාරකයින් රුපේ ගෙවීම් කිරීමට සහ යූ.පී.අයි භාවිතා කිරීමට දිරිමත් කිරීම මේ සම්බන්ධයෙන් උපකාරී වනු ඇතැයි ඔහු පැවසීය.

ඉන්දීය සංචාරකයින් මෙහි පැමිණීමෙන් ඉතා ප්‍රායෝගිකව ශ්‍රී ලංකාව කෙරෙහි ඔවුන්ගේ ධනාත්මක හැඟීම් ප්‍රකාශ කරන ලද බවද ඔහු පැවසීය.

බලශක්ති සුරක්ෂිතතාව ශ්‍රී ලංකාවේ බරපතලම අභියෝගයක් ලෙස ලැයිස්තුගත කරමින්, තිරසාර ආදායම් මාර්ගයක් බවට පත් කළ හැකි දැවැන්ත පුනර්ජනනීය බලශක්ති විභවයක් රට සතු බව ඔහු පැවසීය.

ත්‍රිකුණාමලයට බලශක්ති කේන්ද්‍රස්ථානයක් ලෙස නැගී සිටීමේ හැකියාව ඇත. ශ්‍රී ලංකාවට සහය දෙමින් එවැනි මුලපිරීම් සඳහා විශ්වාසනීය හවුල්කරුවෙකු වීමට ඉන්දියාව සූදානම් වේ. දෙරට අද ප්‍රතිපත්තිමය වශයෙන් එකඟ වී ඇති පුනර්ජනනීය බලශක්ති රාමුවක් පිළිබඳව මෙම සහයෝගිතාව ඉදිරියට ගමන් කරණ බව ඔහු පැවසීය.

"ඉන්දියාව විශ්වාසවන්ත අසල්වැසියෙක්, විශ්වාසවන්ත හවුල්කරුවෙක්, ශ්‍රී ලංකාවට අවශ්‍ය බව දැනෙන විට අමතර සැතපුමක් යාමට සූදානම් බව ඉන්දීය විදේශ කටයුතු අමාත්‍ය එස් ජයිශංකර් අවධාරණය කළේය.

ඔහුගේ කොළඹට පැමිණීම ඉන්දීය අග්‍රාමාත්‍ය නරේන්ද්‍ර මෝදිගේ 'අසල්වැසියන්ට පළමුව' කැපවීම පිළිබඳ ප්‍රකාශයක් බව ඔහු පැවසීය. "මෙම අවශ්‍ය පැයේදී ඉන්දියාව, ශ්‍රී ලංකාව වෙනුවෙන් පෙනී සිටින අතර ශ්‍රී ලංකාව දැනට මුහුණ දෙන අභියෝග ජය ගන්නා බවට විශ්වාස යැයි, ඉන්දීය විදේශ කටයුතු අමාත්‍ය එස් ජයශංකර් අවධාරණය කළේය.

"මේ මොහොතේ කොළඹට පැමිණීමේ තමාගේ මූලික අරමුණ වන්නේ මෙම දුෂ්කර අවස්ථාවන්හිදී ශ්‍රී ලංකාව සමඟ ඉන්දියාවේ සහයෝගීතාවය ප්‍රකාශ කිරීමයි, යනුවෙන් ඔහු ප්‍රකාශ කළේය.

ශ්‍රී ලංකාවේ දේශපාලන, ආර්ථික ස්ථාවරත්වයට ඉන්දියාව සහය දක්වයි

සිය සංචාරය අතරතුර ඉන්දීය විදේශ කටයුතු අමාත්‍ය එස් ජයිශංකර් අතිගරු ජනාධිපති රනිල් වික්‍රමසිංහ මහතා ද හමුවී ඉන්දීය අගමැති නරේන්ද්‍ර මෝදිගේ ආරාධනය ශ්‍රී ලංකාවේ ශක්තිමත් ප්‍රකෘතිය සඳහා ඔවුන්ගේ සහයෝගීතාවයට පහසුකම් සපයන්නේ කෙසේදැයි සාකච්ඡා කිරීමට ඉක්මනින්ම ඉන්දියාවට පැමිණෙන ලෙසට ආරාධනා කළේය.

මෙම හමුවේදී ජයශංකර් පෙන්වා දුන්නේ ශ්‍රී ලංකාවේ දේශපාලන සහ ආර්ථික ස්ථාවරත්වය සඳහා ඉන්දියාව සැමවිටම සහාය දක්වන බවයි.

"දේශපාලන බලය බෙදීම පිළිබඳ ප්‍රශ්නය සහ ඔහුගේ චින්තනය පිළිබඳව ජනාධිපතිවරයා තමා දැනුවත් කළ බව ජයිශංකර් පැවසීය. 13 වැනි ව්‍යවස්ථා සංශෝධනය සම්පූර්ණයෙන් ක්‍රියාත්මක කිරීම සහ පළාත් පාලන මැතිවරණ කඩිනමින් පැවැත්වීම මේ සම්බන්ධයෙන් තීරණාත්මක බව තමා ඔහු සමඟ සිය මතය බෙදා ගත් අතර ශ්‍රී ලංකාවේ සියලුම කොටස් වලට සංහිඳියාව සඳහා කල්පවත්නා උත්සාහයන් අවශ්‍ය වේ. යැයි ඔහු පැවසීය.

අතිගරු ජනාධිපති වික්‍රමසිංහ මහතා සමඟ පැවති සාකච්ඡාවේදී ඉන්දීය සම්භවයක් ඇති දෙමළ ප්‍රජාවගේ අවශ්‍යතා පිළිබඳව විශේෂ අවධානයක් යොමු කිරීමේ අවශ්‍යතාව පිළිබඳව ද ඔහු අවධාරණය කළේය.

පසුව ඉන්දීය විදේශ කටයුතු අමාත්‍ය එස් ජයිශංකර් අගමැති දිනේෂ් ගුණවර්ධන හමුවිය.

අගමැති දිනේෂ් ගුණවර්ධන මහතා අද කොළඹදී හමුවීමට ලැබීම ගැන සතුටු වෙමි. ප්‍රවාහනය සහ අධ්‍යාපනය ඇතුළුව අපගේ ද්විපාර්ශ්වික සහයෝගීතාව පිළිබඳව ඔහු සමග සාකච්ඡා කළ බවත්. ජනතාව අතර සබඳතා තීව්‍ර කිරීම පිළිබඳව ද අදහස් හුවමාරු කර ගත් බවත් ඔහු ට්විටර් පණිවුඩයක් මගින් බෙදා ගත්තේ ය.

බ්‍රහස්පතින්දා සිය සංචාරයේ පළමු දිනයේ ජයිශංකර් ශ්‍රී ලංකා විදේශ අමාත්‍ය අලි සබ්රි සහ අනෙකුත් අමාත්‍ය සගයන් හමුවිය.

විදේශ අමාත්‍ය අලි සබ්රි සහ අනෙකුත් අමාත්‍ය සගයන් සමඟ අද සවස කොළඹදී යටිතල පහසුකම්, සම්බන්ධතා, බලශක්ති, කර්මාන්ත සහ සෞඛ්‍ය යන ක්ෂේත්‍රවල ඉන්දියා-ශ්‍රී ලංකා සහයෝගීතාව සාකච්ඡා කළා යනුවෙන් ඔහු ට්වීට් පණිවුඩයක් නිකුත් කළේය.