කත්මන්ඩුහි ඉන්දීය ආධාර ලබන විද්‍යාලීය ගොඩනැගිල්ල නේපාලයට භාර දෙයි.

ඉන්දීය රජය විසින් කත්මණ්ඩු හි මදන් භණ්ඩාරි අනුස්මරණ විද්‍යාලයේ ගොඩනැගිල්ල මෙම සතිය මුලදී නේපාලයේ කත්මන්ඩු හි විද්‍යාල කළමනාකරණ කමිටුව වෙත භාර දෙන ලදී. ඉන්දීය මූල්‍ය ආධාර මත මෙම ගොඩනැගිල්ල ඉදිකර ඇත.

සඳුදා භාරදීමේ උත්සවය නේපාලයේ ඉන්දීය තානාපති නවීන් ශ්‍රීවාස්තාවාගේ ප්‍රධානත්වයෙන් පැවැත්විණ. , නේපාලයේ හිටපු විදේශ කටයුතු අමාත්‍ය මහේන්ද්‍ර බහදූර් පාණ්ඩේ, විද්‍යාල කළමනාකරණ කමිටු සභාපතිනී ඌෂා කිරන් භණ්ඩාරි, මදාන් සභාපති ඇතුළු සම්භාවනීය අමුත්තන් රැසක් මෙම අවස්ථාවට සහභාගි වූහ. භණ්ඩාරි පදනම සහ කත්මණ්ඩු දිස්ත්‍රික් සම්බන්ධීකරණ කමිටුවේ සභාපති සන්තෝෂ් බුදතෝකි මෙම අවස්ථාවට එක්විය.

මෙම ව්‍යාපෘතිය 'නේපාල-ඉන්දියා සංවර්ධන සහයෝගිතා' වැඩසටහන යටතේ ඉහළ බලපෑමක් ඇති ප්‍රජා සංවර්ධන ව්‍යාපෘතියක් ලෙස අනුමත කර ඇත. මෙම ව්‍යාපෘතියේමුළු පිරිවැය නේපාල රුපියල්. මිලියන 28.64ක් බව නේපාලයේ ඉන්දීය තානාපති කාර් යාලය පවසයි.

විද්‍යාලය විවෘත වූ දා සිට ඉහළම මට්ටමේ අධ්‍යාපනයක් නේපාල සිසුනට ලබා දෙයි. එය රට පුරා විවිධ දිස්ත්‍රික්කවලින් සිසුන් 1500 කට අධික සංඛ්‍යාවක් සිටින අතර ත්‍රිභූවන් විශ්ව විද්‍යාලය හා සම්බන්ධ වේ. එමෙන්ම එය පුළුල් පරාසයක පාඨමාලා ද පිරිනමයි.

නේපාලයේ ඉන්දීය තානාපති කාර්යාලය විසින් සපයන ලද තොරතුරුවලට අනුව, 2003 වසරේ සිට ඉන්දියාව විසින් නේපාලයේ අධි බලපෑම් ප්‍රජා සංවර්ධන ව්‍යාපෘති 535කට වැඩි ප්‍රමාණයක් සිදු කර ඇති අතර ඉන් 478ක් අවසන් කර ඇත. මෙයින්, බග්මති ප්‍රදේශ් ව්‍යාපෘති 104 කින් සමන්විත වන අතර, ඉන් 40 ක් කත්මණ්ඩු දිස්ත්‍රික්කයේ වේ.

මීට අමතරව, ඉන්දීය රජය විසින් ගිලන් රථ 68 ක් සහ පාසල් බස් රථ 46 ක් කත්මණ්ඩු හි රෝහල්, සෞඛ්‍ය සායන සහ අධ්‍යාපන ආයතන සඳහා පරිත්‍යාග කර ඇත‍. ඉන් එකක් මෙම විද්‍යාලයට ලබා දී ඇත.

මෙම ව්‍යාපෘතිය ක්‍රියාත්මක කිරීම තුළින් පෙන්නුම් කරන්නේ අධ්‍යාපනික පහසුකම් සංවර්ධනය තුළින් තම ජනතාව උසස් කිරීමට නේපාල රජය ගෙන යන වැඩපිළිවෙළට සහය දැක්වීම සඳහා ඉන්දීය රජය අඛණ්ඩව ලබා දෙන සහාය බව ඉන්දීය තානාපති කාර්යාලය පවසයි.